Fjöðrun
Old Man Emu frá ARB
Fjöðrun
Drif býður allar mögulegar, en ekki ómögulegar, fjöðrunarlausnir frá OME. Demparar, gormar, fjaðrir og loftpúðar sem eru hannaðir saman og prófaðir við erfiðustu aðstæður, fyrir daglegan akstur, drátt, mikla hleðslu og fjallaferðir.
Heildarlausn
Fjöðrun sem vinnur saman
Úrvalið hjá OME er slíkt að við sýnum hér aðeins brot af því besta. Lykillinn er að demparar og gormar eða fjaðrir eru valin saman fyrir bílinn, þyngdina og notkunina. Hafðu samband og við finnum réttu lausnina fyrir þig.
NitrochargerDemparar
MT64Demparar
BP-51Demparar
GormarFjöðrun
Parabólufjaðrir og loftpúðarFjöðrun
FjaðrirFjöðrun
Samhæft kerfi
Hver dempari er stilltur fyrir gormana eða fjaðrirnar sem honum fylgja. Þannig helst bíllinn stöðugur, hvort sem hann er tómur eða fullhlaðinn.
Prófað við erfiðar aðstæður
Verkfræðingar OME prófa samsetningar í hundruð klukkustunda í ástralska óbyggðunum, með gagnaskráningu á vegum og álagsprófunum á prófunarbekk.
Fyrir burð og drátt
Spil, stuðari, toppgrind, aukatankar og hjólhýsi. Fjöðrunin er valin eftir þyngdinni sem bíllinn ber í raun, ekki tómum bíl.
Hófleg hækkun
OME miðar yfirleitt við um 50 mm hækkun. Það gefur meiri veghæð og pláss fyrir stærri dekk án þess að skerða aksturseiginleika.
Gæði · Ending · Afköst
Góð uppfærsla
Nitrocharger
Tvöfaldir gasdemparar (twin-tube) sem eru stórt skref upp frá upprunalegu dempurunum. Hver dempari er stilltur fyrir bílinn og gormana sem honum fylgja, svo bíllinn verður stöðugri og þægilegri, bæði tómur og hlaðinn. Nýjasta kynslóðin heitir Nitrocharger Plus.
Helstu eiginleikar
- Stimpill með miklu flæði sem dregur úr froðumyndun og hita í olíunni
- 18 mm hert krómstöng sem þolir mikið álag
- Sex ventladiskar, svo hægt er að stilla dempunina nákvæmlega fyrir hvern bíl
- Þreföld olíuþétting og gasloki sem heldur köfnunarefninu inni
- Ytra rör úr 1,6 mm stáli, 23% meiri vörn en hefðbundið 1,3 mm rör
- Olía sem þolir hita og freyðir ekki, köfnunarefni eykur hitaþolið
- Höggþolin hlíf yfir stönginni og fóðringar sniðnar að bílnum
Tæknilegt
| Gerð | Twin-tube gasdempari |
|---|---|
| Stöng | 18 mm, hert króm |
| Ventlar | 6 diskar, stilltir fyrir bílinn |
| Ytra rör | 1,6 mm stál |
| Gas | Köfnunarefni |
| Stillanlegur | Nei, stilltur fyrir bílinn |
64 mm innanmál
MT64
Hörkutól sem þrælvirka bæði á vegum og vegleysum. MT64 brúar bilið milli Nitrocharger og BP-51: monotube-dempari úr áli með 64 mm innanmáli, meiri olíu og stærri stimpli. Það þýðir minni hita og betri stjórn á löngum malarvegum og þvottabrettum.
Helstu eiginleikar
- Monotube með fljótandi stimpli sem skilur að olíu og köfnunarefni
- Hús úr áli sem leiðir hita frá allt að 15 sinnum hraðar en stál
- 64 mm innanmál fyrir meiri olíu og stærri stimpil og ventla
- 22,5 mm hert krómstöng og endalok úr smíðuðu 6061 áli
- Gormasæti með 6 stillingum í 5 mm þrepum, til að mæta mismunandi hleðslu
- Vökvadempun í enda slags sem tekur mýkra á stærstu höggunum
- Hörð anodíseruð húð og útskiptanleg hlíf yfir stönginni
Tæknilegt
| Gerð | Monotube |
|---|---|
| Innanmál | 64 mm |
| Stöng | 22,5 mm, hert króm |
| Hús | Ál, hörð anodíseruð húð |
| Gormasæti | 6 stillingar, 5 mm þrep |
| Stillanlegur | Nei, stilltur fyrir bílinn |
| Ábyrgð | 3 ár, ótakmarkaður km |
Það allra, allra besta
BP-51
Stillanlegir demparar með innbyggðu framhjáhlaupi (internal bypass). Dempunin eykst eftir því sem nær dregur enda slagsins, svo bíllinn er mjúkur í venjulegri hæð en heldur fast við stærstu höggin. Keppnisfjöðrun á vegum og fjöllum.
Helstu eiginleikar
- Innbyggt framhjáhlaup: rásirnar eru inni í húsinu, svo demparinn passar inn í gorm án breytinga
- Stöðuháð dempun, mjúkur í venjulegri hæð og stífur við enda slagsins
- Sjálfstæð stilling á samþjöppun og frákasti, beint á bílnum
- Hús úr 6061 áli með harðri anodíseraðri húð (type III) fyrir kælingu og tæringarvörn
- Aðskilið forðabúr úr áli með meiri olíu og lægri olíuhita
- Fljótandi stimpill skilur olíu frá köfnunarefni og kemur í veg fyrir froðu
- Slípuð og hörð krómuð stimpilstöng
Tæknilegt
| Gerð | Bypass monotube með forðabúri |
|---|---|
| Innanmál | 51 mm |
| Hús | 6061 ál, type III anodíserað |
| Forðabúr | Aðskilið, úr áli |
| Stilling | Samþjöppun og frákast |
| Dempun | Stöðuháð |
Samanburður
Hvaða demparar henta þér?
Allar þrjár línurnar eru stilltar fyrir bílinn og fást með gormum eða fjöðrum sem passa. Munurinn liggur í hitaþoli, stillingum og því hve mikið er lagt á fjöðrunina.
| Nitrocharger | MT64 | BP-51 | |
|---|---|---|---|
| Gerð | Twin-tube gasdempari | Monotube, 64 mm | Bypass, 51 mm |
| Hús | Stál | Ál | 6061 ál |
| Forðabúr | Nei | Nei | Já, aðskilið |
| Dempun | Hraðaháð | Hraðaháð, vökvadempun í enda | Stöðuháð |
| Stillanlegt | Nei | Gormasæti, 6 stillingar | Samþjöppun og frákast |
| Hitaþol | Gott | Mjög gott | Best |
| Hentar best | Daglegur akstur, burður og malarvegir | Ferðabílar og langir grófir vegir | Mest krefjandi akstur og hámarksstjórn |
Bíllinn ber meira en áður. Fjöðrunin á að gera það líka.
Upprunaleg fjöðrun er málamiðlun fyrir tóman bíl á malbiki. OME er hannað fyrir bílinn eins og hann er í raun, með búnaði og farangri.
Lyftu þér upp!
Gormar
Hágæða gormar fyrir flestar gerðir jeppa og pallbíla. OME gormar eru hannaðir fyrir hvern bíl og fást í mismunandi stífleika eftir því hve mikið er á honum, til dæmis með eða án spils, stuðara og ferðabúnaðar.
Helstu eiginleikar
- Míkróblandað gormastál sem þolir sig og tæringu betur
- Mótaðir á tölvustýrðum kjarna fyrir jöfn og nákvæm gæði
- Forþjappaðir tvisvar, fyrir og eftir kúlublástur, sem minnkar spennu og lengir endingu
- Fást með föstum eða breytilegum stífleika
- Endar gormanna sniðnir að bílnum svo þeir passa nákvæmlega
- Mismunandi stífleiki eftir hleðslu: léttir, miðlungs og þungir
- Hannaðir og framleiddir í Ástralíu
Tæknilegt
| Efni | Míkróblandað gormastál |
|---|---|
| Framleiðsla | Tölvustýrðir kjarnar |
| Meðhöndlun | Forþjappaðir og kúlublásnir |
| Stífleiki | Fastur eða breytilegur |
| Áferð | Svört pólýhúð |
| Uppruni | Ástralía |
Fleygbogafjaðrir
Parabólufjaðrir og loftpúðar
Hátæknifjaðrir með loftpúðum eru dýrindis blanda þegar þarf að lesta jeppana hressilega. Loftpúðarnir bæta við allt að 600 kg burðargetu ofan á fjöðrina sjálfa, og þú stillir þrýstinginn eftir því hvað er á pallinum.
Helstu eiginleikar
- Hver loftpúði er notaður á bilinu 0–45 psi, sem gefur 0–600 kg aukalega burðargetu
- Nýr innri samsláttarpúði, svo hægt er að aka með tóma púða og pumpa í þá þegar á þarf að halda
- Þrjár leiðir til að stýra púðunum: ventill á bílnum, ARB Air Suspension Control eða ARB LINX
- Parabólufjaðrir eru léttari en sambærilegar fjölblaða fjaðrir, þökk sé sterkara stáli og færri blöðum
- Fjaðrir fást með grunnburði allt að 1000 kg
- Loftpúðarnir eru skyldubúnaður með parabólufjöðrum, þar sem annað þrep fjaðrarinnar er fjarlægt
Tæknilegt
| Gerð | Parabólufjaðrir með loftpúðum |
|---|---|
| Aukaburður | Allt að 600 kg |
| Þrýstingur | 0–45 psi |
| Akstur tómur | Já, 0 psi |
| Stýring | Ventill, Air Suspension Control eða LINX |
| Hentar | Pallbílar og mikil hleðsla |
Fjallaflatjárn
Fjaðrir
Þetta eru ekki gömlu góðu flatjárnin, þetta eru hágæða fjallaflatjárn. OME blaðfjaðrir eru hannaðar til að fara vel með farþega þegar bíllinn er tómur og halda honum öruggum þegar hann er fullhlaðinn.
Helstu eiginleikar
- Tveggja þrepa fjaðrapakki á flestum afturfjöðrum, mjúkt tómt og stíft hlaðið
- Dregin og tígulskorin blöð sem dreifa álaginu jafnt
- Vafin augu (military wrap) sem auka öryggið
- Smyrjanlegir nælonpúðar milli blaðanna sem draga úr núningi
- Hljóðdeyfandi nælonfóður og boltaðar klemmur
- Fullforþjappaðar svo fjöðrin haldi lögun sinni, og kúlublásnar á álagshlið
- Álagsprófaðar og með flötum öxulfleti fyrir trausta festingu
Tæknilegt
| Gerð | Fjölblaða fjaðrir |
|---|---|
| Pakki | Tveggja þrepa á flestum afturfjöðrum |
| Blöð | Dregin og tígulskorin |
| Augu | Military wrap |
| Núningur | Smyrjanlegir nælonpúðar |
| Meðhöndlun | Forþjappaðar og kúlublásnar |
Allt sem fylgir
Smáatriðin skipta máli
Góð fjöðrun er meira en demparar og gormar. OME framleiðir líka hlutina sem halda kerfinu þöglu og endingargóðu.
Fóðringar
Fóðringar í fjaðraaugu og skakkla sem taka við höggum og halda fjöðruninni þéttri lengur.
Smyrjanlegir fjaðraboltar
Boltar í fjaðraskakkla sem hægt er að smyrja. Minna ískur og lengri ending á fóðringum.
Heil fjöðrunarsett
Demparar, gormar eða fjaðrir, fóðringar og festingar í einu setti, valið saman fyrir bílinn.
Fjöðrunarvörur sem við eigum á lager, til dæmis OME sett fyrir Suzuki Jimny, eru í vöruflokknum Fjöðrun →
Old Man Emu
Nefnt eftir emúanum
Emúinn heldur ótrúlegu jafnvægi þegar hann hleypur hratt yfir ójafnt land. Það er hugmyndin á bak við OME: stöðugleiki og stjórn, sama hvert er farið.
Old Man Emu stofnað í Ástralíu.
ARB kaupir OME og heldur áfram þróun og prófunum í ástralska óbyggðunum.
Í dag býður OME sérsniðnar fjöðrunarlausnir fyrir yfir 200 algengar jeppategundir.
Tilboð
Svona finnum við réttu fjöðrunina
Fjöðrun er valin fyrir hvern bíl. Því meira sem við vitum um bílinn og notkunina, því betri verður niðurstaðan.
Segðu okkur frá bílnum
Tegund og árgerð, og hvaða búnaður er á honum: spil, stuðari, toppgrind, aukatankar eða pallhús. Dregur þú hjólhýsi eða kerru?
Við veljum samsetninguna
Demparar, gormar eða fjaðrir og stífleiki eftir þyngd og notkun. Við ráðleggjum líka um hækkun og dekkjastærð.
Þú færð tilboð
Tilboð með verði og afhendingartíma fyrir allt kerfið, eða einstaka hluti ef það hentar betur.
Hvaða fjöðrun hentar þínum bíl?
Hafðu samband núna og við finnum réttu lausnina fyrir þig.
Upplýsingar og myndir frá ARB og Old Man Emu, með fyrirvara um breytingar og prentvillur. Útfærslur og hækkun fara eftir bíl.